ZONA F/G
Zona F/G ta situá na entrada di Wechi. Aki tin bibienda nan ku un arkitektura distinto i un karakter úniko ku ta marka e skina aki di Wechi, i ku lo ta e promé den bista drentado e proyecto di Wechi. E zona aki ta konsisti di 4 kas di e model Sentebibu na kada skina di kaya i 16 model Datu pero e biaha aki kada un riba su kurpa!
Kada bibienda ta liber den un ambiente bèrdè. E bibienda nan aki ta orientá di tal forma ku kada un ta disfrutá di bon ventilashon natural di e bientu di pariba.
​Tur e bibiendanan ta bin ku fasilidat pa pone panelnan solar; ta resiklá awa di kas pa duna mata awa den e areanan bèrdè, i tin atenshon speshal pa konekshon sosial den e bario.
Tin lugá di parker amplio riba e terenonan di kada bibienda. Tambe lo tin área di peaton i baiskel ku ta pasa banda di e zona.
​
Esaki ta Zona F/G, bèrdè, bibabel i sigur!
KUMPRA RIBA PAPEL
Pa Zona F/G lo no tin ‘show model’. Kemen bo ta kumpra ‘riba papel’. Ta antisipá ku konstrukshon di kada kas nobo lo tuma mas o menos 180 dia di trabou. Nos lo informá bo ekstensamente tokante e diferente etapanan i planiashon di e konstrukshon. Durante e konstrukshon nos lo tene bo na altura di e progreso. Nos Tim di Benta t’ei pa guia bo den bo eskoho di un bibienda adekuá i tambe por sostené bo ku bo petishon di hipotek. Bo por hasi un sita libremente i sin kompromiso via telefòn 724 31 31 / 724 31 32.
ÈRFPAGT
E terenonan na Wechi ta duna den ‘èrfpagt’. Esaki ke men ku anualmente bo ta paga un suma fiho pa kada meter kuadrá di tereno riba kua bo kas ta situá. Èrfpagt pa e promé Zona na Wechi ta 1,68 florin pa kada m2.
