Deskubrí Wechi

Biba na Kòrsou, den e bario di futuro! Kaminda den konstrukshon i desaroyo ta tene kuenta ku durabilidat, medio ambiente. Kaminda ta ofresé un gran diversidat di tipo di bibienda, ku diseñonan kontemporáneo di diferente arkitekto. Kaminda a pone hopi atenshon na bon diseño urbano i infrastruktura. Kaminda plechinan ku hopi sombra, i kayanan ku kaminda pa baiskel i espasio pa hende na pia, ta konektá e diferente partinan di bario. I kaminda tin espasio amplio pa deporte, rekreashon i naturalesa. Kaminda siguridat di e habitantenan ta di suma importansia i kaminda mucha por hunga libremente riba plenchi i den parke infantil. Kaminda naturalesa eksistente ta integrá den e bario na un manera responsabel. Kaminda hende di tur edat por biba, traha, hunga i topa otro. Kaminda mucha por lanta den un ambiente sigur, protehá i den un medio ambiente salú bou di e dushi solo di Kòrsou. Esei ta Wechi, bèrdè, bibabel i sigur! Bèrdè kier men na promé lugá ku den e bario tin hopi palu i mata. E áreanan di paseo i rekohida di awa lo ta e áreanan bèrdè públiko mas importante, naturalmente pasó den e áreanan aki tin sufisiente awa.

NOS VISHON

Biba na Kòrsou, den e bario di futuro!
Wechi ta bèrdè, bibabel i sigur!

BERDE

Ku e terminologia 'Bèrdè' nos kier men tambe durabilidat, lokual kier men ku algu ta keda kumpli ku e eksigensianan nesesario. Ku e ekspreshon 'un bario bèrdè' nos kier men pues ku lo ta un bario ku aki hopi aña ainda lo keda konsiderá komo un kaminda di biba bon i agradabel. Durabilidat kier men tambe ku ta pensa den materialnan duradero, konstruí konsiente ku energia i klima, anto hasi uso di e sirkunstansianan natural.

​

Durabilidat no ta logra solamente ku uso di material adekuá, pero prinsipalmente tambe dor di un bon balansa den bario. Integrashon ta na promé lugá pa yega na un bario duradero. Integrashon kier men ku diferente gruponan di nos komunidat por biba huntu na un manera atraktivo i trankilo. Esei ta logra dor di ofresé un kantidat grandi di tipo di kas ku ta varia den arkitektura i preisnan di kas i ta kuadra ku e nesesidatnan di e habitantenan nobo (i eksistente).

BIBABEL

Un bario nobo ta mas ku pone piedra riba otro. E espasio físiko so no ta garantia pa un bon ambiente di biba. E ta duna e posibilidatnan espasial i mester tin un kalidat propio ku ta invitá pa e uso intenshoná. Al final ta importante pa e habitantenan ta sinti nan mes na kas i por biba dushi.

E habitante di Wechi mester por move fásilmente den su bario, na pia, ku baiskel, skate-board, skate òf otro forma di tráfiko slou. E espasio públiko ta agradabel, ku hopi sombra, lugá di rekreo, posibilidatnan di deporte na abundansia pa tur edat i tambe e posibilidat pa por traha den bo mes bario. Den un siguiente fase di e proyekto, ademas lo desaroyá tur fasilidatnan pa un bario di e dimenshonnan aki, manera skol, supermerkado, ets.

SIGUR

Un bario kaminda nos grandinan por disfrutá trankil i nos muchanan por krese den un ambiente sigur i sin preokupashon. Tin hopi atenshon pa siguridat den e área públiko dor di e diseño di espasio i hopi bista riba otro. Por pensa riba por ehèmpel un ‘opvang’ pa mucha, áreanan pa topa otro i kareteranan pa baiskel i peaton kaminda outo no por yega!

​

E yabi pa siguridat ta un kombinashon balansá entre regla i komportashon.